Sael öll sömul.

Hef ekki verid hér í mörg ár svo ég verd ad prufukeyra smá:)

 


Sladan

Thad var gaman ad sjá Sladan gera fjögur Mörk á móti Englandi í vikuni he he.

Gleðilegur dagur.

Í dag fékk ég vita að ég væri orðin afi,og hún heitir Lilja.  Mitt annað barnabarn,he he.

Hljómsveitin Óli fink árið er 1973

Kannast einhver við Hljómsveit sem kallaði sig fyrir  Óli fink?  Starfaði aðeins á árinu 1973.   Því miður hef ég gleymt nöfnum þessara manna fyrir utan að píanóleikarin var kallaður Valur.  Á bassann spilað Þorleifur Guðjónsson.

Vantar nafnið á trommaranum,  sem gerðist lögregluþjónn eftir upplausn bandsins.

Að lokum vantar mig nafnið á  sólógítarleikaranum.  Sjálfur var ég söngvari þessa bands. 

Stórmerkilegir atburðir áttu sér stað í stuttri sögu þessa bands sem verður að skrá í sögu Hljómsveita hér á Íslandi.

Þeyr sem geta gefið upplýsingar um nöfn þessara manna endilega látið mig vita, skrifa í gestabókina mína.

Kv.Pallielís


Hilmar Kristjánsson Dátar.

Í gær voru þrjátíu ár síðan Hilmar Kristjánsson lést.  Stofnandi einnar frægustu hljómsveit fyrri tíma  Dátar.

Ég vil heiðra minningu hans með nokkrum orðum.

 Hilmar kom til mín einu sinni þar sem ég var að spila á árshátíð hjá hestamannafélaginu Fáks. Hann spurði mig hvort ég væri til í að endurvekja hljómsveitina   Dáta með sér.

Ég tók vel í þetta og ákvað að koma á æfingu og sjá til.

Greinilegt var  að Hilmar var ekki búin að gleyma neinu  þegar að við fórum í gegnum fyrstu æfinguna. Hilmar var þó eini meðlimurinn úr hinum gömlu Dátum í þessari hljómsveit.

Allt gekk vel þar til nafnið á hljómsveitinni skildi ákveðið. Hilmar var staðráðin í að hún skildi heita Dátar 2. Eftir smá þras þá stóð Hilmar í dyrunum og sagði inn eða út, he he.

Já hann var þrjóskur. Við samþykktum.

Dátar 2,  komu fyrst fram á fyrstu hæð í  Klúbbnum  við sigtún.

Þessi hljómsveit spilaði bæði á sveitaböllum og á veitingahúsum Reykjavíkur.

Hljómsveitin leystist upp eftir að hafa spilað saman í um 5-6 mánuði.

Ég man að Hilmar var oft að tala um sína tónlist, og einu sinni þegar ég var heima hjá honum í Fannafelli 4, þá sýndi hann mér nokkur lög sem hann var búin að vera semja síðustu ár. Sum af þessum lögum voru bara góð en önnur voru frekar gamaldags og hefðu þurft að endursmíða.  Eitt af þessum lögum hefur aldrei farið úr mér og situr fast í huga mér. Texin er nú orðin ryðgaður en lagið er en í heilu lagi.

Svona byrjar texin. 

 

Hvert ert þú að fara,

elskan mín, ég veit það ekki.

Er erfitt að svara,

elskan mín, ég veit það ekki.

Svo áfram.

 

Ég á þennan texta niðurgrafin í kompunni hjá mér einhverstaðar.

 

Ég vil benda á blog þar sem Perla Hilmarsdóttir dóttir Hilmars skrifar sem hún kallar. In memorium.   Datar.blog.is

   

   


Elsku Elín mín er komin

Já  Elín dóttir mín er komin  frá Svíþjóð  og verður yfir veturinn.

Velkominn elskan mín.


Samningar..

 Á árunum 1960 til 1980 fóru margir í fangelsi  fyrir að vera mjög pennaglaðir.  Sumir skrifuðu undir víxla,   aðrir undir hoppandi ávísanir  já og ýmsir undir samninga sem ekki stóðu undir sér.  Í dag er ekkert mál að skrifa undir hvaða samninga sem er,   því fylgir eingin ábyrgð það hefur reynslan sýnt,  Allavega ef þú ert með  Ríkisstjórnarskyrteini  með þér.  Því fleiri miljarðar því stærri rós í hnappagatið.  


Barnaníðingur!

Barnaníðingurinn  Ágúst Magnússon  sem nú er komin í biblíuskóla Livets ord sem er í Uppsölum nálægt Stokkhólmi,  er komin í umræðurnar aftur.  Það er nú þannig að í biblíuskólum þá er fólk sem þar er í ofurvernduðu umhverfi. Fólkið býr á staðnum og fylgist  nánast ekkert með því sem á sér stað úti í hinum stóra heimi. Kærleikurinn er það sem allt snýst um og er hafður að leiðarljósi.   Betri staður er ekki hægt að finna ef maður er í leit eftir fórnarlambi.  Ég hef sjálfur verið í biblíuskóla,   Christ for the  Nations,   Dallas Tx.  Því veit ég hverslags ofurverndun er í svona skólum  fyrir ytri áhrifum.    Ágúst Magnússon er annað hvort mjög sjúkur maður eða illmenni.    Sama hvort er þessi maður á að vera undir stöðugu eftirliti án tímatakmarka.

 

 


Breiðavík- Afleiðingin

  Sæl öll. Maður heyrir oft frasann um að peningar bæta ekki þann skaða sem við Breiðavíkurdrengir urðum fyrir á sínum tíma, hver sem sú upphæð yrði.  Að einu leiti er það rétt, en bara einu leiti.  Afleiðingarnar sem þeir sem þar dvöldu ásamt mér þurftum að þola. Það má segja að meðaltími á Breiðavík hafi verið 21 mánuður. En í kjölfarið trúlega 21 ára standslaus martröð og barátta við sjálfan sig.

Ég var þarna í 41 mánuð.  Afleiðingin var um 30 ára löng viðgerð á sálinni og stöðug umhyggja fyrir sárinu, viðhald með skilningi, þroska og sjálflærðri sálfræði.

Segjum sem svo að Jón Jónsson hafi farið á Breiðavík, en bróðir hans ári yngri hafi verið heima.  30 árum seinna á Jón nánast ekkert því allur tími hans og orka hefur farið í afleiðingarnar.  Sumir fóru í mikla óreglu aðrir í stanslaust þunglyndi (vítahring) eða þróuðu með sér geðtruflun með mismunandi afleiðingum.  Sumir gátu komið sér á strik, en með miklum átökum og góðra manna hjálp.  Stór hluti þessara manna eiga ekkert í dag.   Margir eiga þó börn sem þeir vilja svo gjarna gefa öryggi og sjálfum sér það sem þeir telja vera mikilvægast þá stundina þegar seðlarnir koma. 

Yngri bróðurinn í dæminu á nú skuldlausa fjögurra herbergja íbúð og er með öll sín mál á hreinu. -  Segðu mér að peningar skipta ekki máli, þótt ekki verði tekið til baka það sem gerðist.Pallielis.  


Nú fer að koma að stóru stundinni hjá mér!

Nú fer að koma að stóru stundinni hjá mér!

Ég er að undirbúa mína fyrstu tónleika eftir 35 ára stopp.Verið er að ræða um hvort ég muni koma fram einn eða með hljómsveit mér til aðstoðar. Það má því segja að ég sé faðmaður af  tónaflæði þessa dagana,he he.

Það má segja að síðustu tónleikar í atvinnumennsku sem ég var með í,hafi verið í Alþíðuhúsinu í Hafnarfyrði.Þessir tónleikar náði ég ekki að klára vega sérstaklegrar atvika sem áttu sér stað nokkrum dögum innan.Hafði verið á Æfingu með öðru bandi,á þessari æfingu fékk ég raflost við það að snerta samtímis mígrafon  og gítar með þeim afleiðingum að ég festist við græjurnar og fékk þetta líka rosalegt raflost.Ég var fluttur með sjúkrabíl á neyðarmótöku.Nokkrum dögum seinna var auglýst.Svarta maria verður með Rafmagnaða tónleika í Alþíðuhúsinu í Hf.

það er svo þegar að maður rennir skóm eftir nælonteppi til dæmis þá getur maður fengið smá rafstuð,Þetta kannast flestir við.

Ég var gítar og söngvari bandsins.Ég var með yfirvaraskegg á þessum tíma. Við byrjuðum að spila og þegar að ég snerti hljóðnemann þá gerðist það,ég fékk smá rafstuð þegar að yfirvaraskeggið snerti hljóðnemann.Ég hélt að ég væri að fá raflost aftur og gjörsamlega fór af göflunum.Sleit af mér gítarinn stökk fram á gólf og hljóp út.

Fólkið í salnum hélt að þetta væri hluti af atriðinu  og öskraði af hrifningu he he en ég kom bara aldrei aftur.

Seinna fór ég af landinu og bjó erlendis í 24 ár, svo það er langur tími á milli tónlista atriða hjá mér he.

Tónleikarnir verða auglýstir.hv Pallielis

  


Næsta síða »

Um bloggið

Páll Rúnar Elíson

Höfundur

Páll Rúnar Elíson
Páll Rúnar Elíson
  1. Pallielís.Tónlist og félagsmál eru mér efst í huga.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Myndaalbúm

Nýjustu myndir

  • 4546 1102158206309 1597342714 30238650 2687965 n
  • Æfing í tónlistarherberginu mínu.
  • Björn Th  og  Palli Elís.
  • Þá er friðurinn búin,  Elín er kominn.
  • Björn Thoraresen og ég

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband